Labing menos siyam (9) ka tawo ang namatay ug hapit onse (11) ang nasamdan human duha ka armadong lalaki ang nagpabuto sa mga sibilyan sa Bondi Beach, Australia niadtong Domingo, Disyembre 14.
Sumala sa report sa pulisya, naa na sila karon sa kustodiya, ug usa sa mga suspek anaa sa kritikal nga kondisyon human naigo sa bala atol sa usa ka panag-engkwentro sa mga awtoridad.
Sa usa ka pahayag online, gitawag ni Prime Minister Anthony Albanese ang insidente nga “makapakurat ug makahasol.”
Matod ni Albanese, ang mga pulis ug mga emergency responder anaa sa lugar nga nagtrabaho aron maluwas ang mga kinabuhi.
Samtang, ang mga awtoridad wala pa magpagawas ug bisan unsang impormasyon bahin sa hinungdan sa insidente samtang nagpadayon ang imbestigasyon, ug ang pagpamusil mao ang pinakabag-o nga mass shooting sulod sa 29 ka tuig.
