9 patay sa usa ka gospel concert sa Congo

CONGO-Patay ang labing menos 9 ka tawo ug daghan ang naangol human na stampede sa gipahigayon nga concert sa Democratic Republic of Congo.

Ang insidente nahitabo atol sa concert sa gospel singer ug pastor nga si Mike Kalambay sulod sa 80,000-seater Martyr Stadium sa Kinshasa.

Matud pa nga daghan sa mga tawo nga naglisod og ginhawa.

Ingon man nga subo palandungon nga lakip sa namatay ang 10-anyos nga bata.

Sa giluwat nga pamahayag ni Kinshasa governor Daniel Bumba nga ang paghuot sa mga tawo mao’y hinungdan sa maong kamatayon sa mga biktima.

Apan, gihimakak kini sa organizers diin gihimug-atan pa nga anaa lang sa 30,000 ka tawo ang nitan-aw.

Sa pagkakaron, padayon ang gihimo nga imbistigasyon s mga otoridad sa maong insidente.