Nabuak sa 90-anyos nga atleta sa tibuok kalibutan ang Guinness World Records pinaagi sa paghimo og dead hang position sulod sa dul-an 3 minutos.
Sumala sa organisasyon, si Ann Crile Esselstyn, nag-edad og 90 ka tuig ug 231 ka adlaw sa dihang iyang napugngan ang dead hang sulod sa 2 minutos ug 52 segundos.
Nakuha niya ang rekord gikan kang Annie Judis, nga 81-anyos dihang iyang nahimo ang sama nga event niadtong 2024. Si Esselstyn nga nakaduwa ug naka-coach og 10 ka lain-laing sports sulod sa iyang kinabuhi, nagsugod og training alang sa iyang record attempt niadtong Pebrero.
Wala damha sa atleta nga sulod sa 90 ka tuig, maka-angkon siya sa maong titulo, ingon man suporta ug determinasyon aron makuha ang titulo sa Guinness World Records -ilabina sa edad nga 90-anyos.
