CEBU CITY Dead on arrival ang usa ka kanhi barangay konsehal human misukol sa mga miyembro sa PDEA-7 sa isinagawang drug buy-bust operation sa barangay Perelos dakbayan sa Carcar.
Ang suspek giila nga si Elmer Padin, kanhi barangay konsehal sa Poblacion sa maong dakbayan.
Sa pakighinabi kang PDEA-7 director Yogi Filemon Ruiz, gibutyag niini nga mismong si Padin ang mitunol sa shabu ngadto sa agent sa PDEA. Apan giingong misukol kini hinungdan nga gipusil sa mga operatiba nga miigo sa dughan ug ulo niini nga maoy hinungdan sa iyang hinanaling kamatayon.
Nasakmit sa mga otoridad gikan sa suspek ang 200 grams sa gituohang shabu nga nagkantidad u g di momenos sa P800,000, usa ka 45 caliber pistol ug KG9.
Nasuta usab sa PDEA nga 100 porsyento kang Padin usab nagpalit ug iligal nga drogas ang suspek sa pagpanglugos sa 4 ka buwan nga masuso nga si Jonathan Mafre.
Sumala ni Ruiz nga dugay na nilang nadungog ang kalambigitan sa iligal nga drogas sa suspek ug mas napalapdan lang ang imbestigasyon sa dihang nagpahigayon sila ug pagduki duki kalabot sa kaso sa masuso sa dihang nasayran nga ang suspek naggamit ug iligal nga drogas.
