CEBU CITY – Nasakmit sa Bureau of Customs (BOC) ang gibana-banang mukabat sa katunga sa milyon nga peke nga sigarilyo nga gikan pa sa kaulohan.
Gibutyag ni Intel Officer 2 Daryl Panulaya nga nakadawat sila og report hinungdan nga dali nilang gi-ablihan ang duha ka container van nga napuno na sa mga kahon sa sigarilyo.
Matud pa nga sa dihang ilahang gisusi ang BIR stamp niini giingong nakumpirmar nga peke kini hinungdan nga ilaha gilayon kining gi-turn over sa Bureau of Internal Revenue (BIR).
Dugang pa nga sa ilahang gipangita ang tinud-anay nga tag-iya sa nahisgutang peke nga mga sigarilyo.
Gidudahan usab ni Panulaya nga kabahin lang sa nahisgutang items sa unang nakumpiskar nga P2 billion nga pekeng sigarilyo sa Pampanga niadtong nakalabay nga semana.
Kahinumdoman nga nahimong kontrobersyal ang nahisgutang sigarilyo human sa pagsulay sa tag-iya niini og pagsuhol kang Presidente Rodrigo Duterte.
