CEBU CITY-Gikalibog sa kanhi leader sa New Peoples Army nga si Cebu City Councilor Jun Alcover ang lakang karon sa Administrasyon ni Presidente Rodrigo Duterte kalabot sa pagpabalik sa peace talks taliwa sa gobyerno ug mga rebelde nga New Peoples Army.
Gihimug-atan ni Alcover nga dili pa niya masabtan kung unsa ba gyud ang gusto sa presidente nga una na kini nga naghatag og sugo sa AFP nga gamiton ang tanan nga assets sa militar para pulbuson ang grupo ilabina niadtong gi-ambush niini ang upat ka mga pulis sa Davao Del Sur,unya karon gusto na usab ni Duterte nga ibalik sa negotiating table ang hisgutanan sa kalinaw sa duha ka habig.
Gi-kuwestyon usab ni Alcover kung nganu dili apil sa demand sa gobyerno ang international accepted nga mga pamaagi sa peacetalks nga Disarmanent,Demobilization ug Reintegration.
Suhestyon nalang ni Alcover nga dili magpailad ang ang negotiating panel sa nasud sa mga rebelde nga gitawag nga mga Godless elements tungod kay giingong mahitabo nga magpadikta kini sa mga gobyerno ug ang bugtong kagustuhan lang niini ang mapahugno ang gobyerno pinaagi ang madugo nga rebolusyon.
Tataw usab niya nga gigamit lang sa grupo ang peace talks sa panahon nga muhinay ang sila kung diin samtang busy sa negusasyon ang gobyerno busy usab sa pagplano ang mga rebeldeng grupo ug padayon ang ilang pag-recruit para mas mudaghan pa ang ilang sakop
Nunot niini nabalaka karon si Alcover nga basin muhimo na usab og bago nga pag -atake ang grupo ilabina nga hapit na ang ilang 49th anniversary sa Marso 29 karong tuiga.
