CEBU CITY – Gihimakak ni Sen. Antonio Trillanes IV ang giingong destabilisasyon sa pag-file og impeachment complaint ni Magdalo Partylist Rep. Gary Alejano.
Sa eksklusibo nga pakighinabi sa Bombo Radyo Cebu kang Sen. Trillanes, gipasabot niini nga ang destabilisasyon mao ang katuyoan nga mapatangtang ang usa ka presidente sa pamaagi nga dili pinasubay sa Konstitusyon samtang ang impeachment ang pagpatangtang sa lider sa nasud nga nahisubay sa balaud.
Matud pa nga pagliko lang sa atensyon ang giingong destabilisasyon gumikan kay dili kaya sa presidente nga atubangon ang mga isyu.
Giingong adunay daghang isyu nga wala gi-atubang si Presidente Duterte hinungdan nga karun pinaagi sa impeachment hayan mapugos na kini mutubag sa mga nakalinya nga kontrobersiya.
Subling gihimug-atan ni Trillanes nga mu-resign ug siya na mismo ang musulod sa prisohan kung ugaling mapamatud-an nga sayup kini sa iyahang mga gipadayag batok kang Presidente Duterte.
Samtang, gihimug-atan ni Atty Salvador PaneloSa panig naman ni Atty Salvador Panelo, Chief Legal Counsel ni Presidente Rodrigo Duterte, nga pulos bakak ang nakalatid sa impeachment complaint kung diin katuyoan lang niini nga gub-on ang administrasyon.
Matud ni Atty Panelo nga wala may angayan nga depensahan ang presidente gumikan kay wala may kamatuoran ang mga alegasyon sa pikas kampo.
Giingong dili na kini angayan hatagan og pagtagad sa administrasyon gumikan kay mas aduna pa’y daghang importanti nga butang nga angayang tutukan alang sa kaayohan sa mga Pilipino.
Nagkanayon si Panelo nga tanan nang pamaagi nga mapalagpot si Presidente Duterte ang gibuhat na karun sa oposisyon arun nga sila na ang muhulip sa pwesto.
