CEBU CITY-Bisan mibunok ang uwan padayon gihapon ug nagmalampuson ang gipahigayon nga First Quarter National Simultaneous Earthquake Drill sa Cebu Provincial Capitol ug sa AFP Central Command headquarters sa Camp Lapu-Lapu Cebu.
Gitambongan kini ni Baltazar Tribunalo ang head sa Provincial Disaster Risk Reduction and Management Office (PDRRMO) ug ni Department of Science and Technology (DOST) Under Sec. Renato Solidum.
Matud ni Tribunalo nga nakitaan niya og dako nga improvement ang earthquake drill karon tungod kay nakita niya ang pagseryoso sa pagresponse ang mga empleyado kung i-tandi sa mi-aging tuig. Nakita niya nga may mga improvement gikan sa pagrescue kung diin dipakita nga adunay mga samdan ug adunay namatay hantud na sa pagbuhat og evacuation para sa safety sa mga empleyado. Mismong ang pagpabarog sa tent isip medical post nga kinahanglang malayo sulod sa 10 minutos,nahimo lang kini nila sulod sa 5 ka minuto.
Hinoon gi-angkon ni Tribunalo nga may mga areas pa nga kinahanglan og improvement sama sa pagresponde. Matud niya nga mas paspasan pa ilabina kay gibasi kini sa 7.8 magnitude earthquake o ang gitawag na “The Big One” apan bisan paman kontento pa gihapon siya sa resulta sa maong drill.
Samtang nagkanayon si Solidum nga normal lang na dili kaayo paspas ang pagrsponse sa mga empleyado tungod kay dili man gyud ni actual na nga panghitabo ang importante aduna siya nakita nga improvement.
Dugang usab niya nga anaa na kini sa mga tao ug ang pag-adjust nga mahimo kitang resistant sa panahon sa linog. Gihimug-atan ni Solidum nga ang angay buhaton mao nga mangita og paagi sama sa pagtukod og mga infrastractures nga earthquake resistant ug kinahanglan nga ang mga tao mangandam gyud kanunay.
