CEBU CITY-Muabot sa P4.3 M ang kantidad sa iligal nga drogas nga nasakmit sa PDEA-7 atol sa gipahigayon nga buybust operation sa atubangan sa Elementary School sa Brgy. Labangon Cebu City.
Giila ang nasikop nga si Mark Gonzales Caballero, 21 anyos usa ka trisikad driver ug nagpuyo sa Bugnay 2, Labangon samtang ang subject nga si Junmar A. Umpad aka “avatar” nakaekyas atol sa operasyon.
Matud ni Lea Alviar ang tigpamaba sa PDEA-7 nga ang subject nga Avatar usa kini ka high value target diin sa ilang imbestigasyon giingong makadispose kini og 2 ka kilong shabu sulod sa usa ka semana.// Nasuta nga sa mi-aging tuig pa migawas ang pangalan sa subject nga nagsupply og iligal nga drogas sa may habagatang bahin sa Sugbo.
Gisug-dan kini nila og surveillance niadtong Enero ug sa dihang nakumpirmar ila na dayon nga gipahigayonan og buybust.// Nasayran nga atol sa maong operation naka-ikyas ang subject ug nasikop si Caballero sanglit mao man kini ang nagtunol sa shabu.
Nakuha usab gikan sa posisyon sa dinakpan ang 1 transparent plastic pack nga nag-unod og gitoohang shabu nga adunay gibug-aton nga 100 grms ug nagkantidad og 360 000 pesos,nakuha usab ang 1 self-sealing transparent plastic pack nga nag-unod ug gitoohang shabu nga adunay gibug-aton nga 1000 grms ug nagkantidad og 4 milyon pesos.
Kasong may kalapasan sa RA 9165 o Comprehensive Dangerous Drugs Act ang ipasaka batok sa dinakpan ug padayon karon nga gipangita ang subject nga naka-eskapo.
