CEBU CTY-Nakaluhod sa kalipay og sobra-sobra ang pagpasalamat sa letter sender nga si Joaquin Dayanan gumikan kay ang iyang estorya sa kinabuhi nga iyang gipadala sa Light at the End of the Tunnel, A Kagahapon Pa Lang Special on Success Stories Contest ang nakakuha og first prize.
Rags to riches ang storya ni Dayanan kung diin namat-an niya ang panahon sa giyera ug ang higayon nga maka-eskwela gihikaw pa kaniya. Bisan paman sa iyang kaminyoon naglisod sila sa ilang pagpuyo.Matud pa nga hapit magsagol na ang ilang luha og singot sa pangingkamot aron lang makahuman ang iyang mga 7 ka mga anak.
Apan bisan paman wala nawad-an og pagla-um si Dayanan ug karon iya na nga gitagamtam ang haruhay nga kahimtang.Nahuman na ang iyang mga anak gani mga proffesional pa kini, adunay Engineer,Doctor, Abogado, Pharmacist ug usa ka CEO sa usa ka real e state business.
Nasayran nga bisan paman ug kwartahan na si Dayanan usa gihapon siya ka mapa-ubsanon nga tao gani matud niya nga iyang ihatag sa mga nanginhanglan ang iyang nadaog nga kwarta.
Nasayran usab nga adunay mga lain nga sakop sa media nga naglangkub sa sa dagkong TV network ang gusto nga hatagan og kinabuhi ang iyang kasinati-an apan iya kini nga gibalibaran tungod kay gusto niya nga sa Bombo Radyo lang niya kini ekslusibo nga ipa-ambit.
Makita usab nga maayo ang pagpadako ni Dayanan sa iyang mga anak tungod kay ila man usab kni nga gisuportaan ug gitawag pa kini nila og “dreamer:.
Samtang nakuha usab sa breast cancer survivor nga si Elecita Iglesisa ang 2nd price ug 3rd price ang nakuha sa usa ka kanhi kargador nga nahimong General sa kapulisan ug karon usa na ka retired general nga si Alexander Abadinas.
Dako ang ilang pagpasalamt sa Bombo Radyo Cebu tungod kay dili lang cash prize ang ilang nadawt nahimo pa sila nga inspirasyon sa tanan nga tigpaminaw.
