BOHOL PROVINCE – Anaa sa kapin sa usa ka libo nga mga residente ang gipabakwit sa engkwentro sa PNP, AFP sa Central Command tali sa gituohang miyembro sa Abu Sayaff sa brgy Napu lungsod sa Inabangga, Bohol
Ang uban nga mga residente ang bugtong mga gisuot lamang nga sinena ang dala niini. Kahadlok ug kabalaka ang gibati sa mga residente.
Sa pagkakaron kasamtangan nga gipahiluna ang mga residente sa Basketball Court sa Brgy.Poblacion.Nag-apud apod na ug pagkaon,habol ug banig ang local government.
Gumikan sa nagpadayon nga clearing operation wala pa matino kung hangtod kanus a makabalik ang mga residente sa ilang tagsa tagsa ka mga panimalay.
Sa pagkakaron padayon nga gisuta ang nahisgutang barangay sa kapulisan kauban ang Special Action Force ug Armed Forces of the Philippines Central Commad kung wala nabay mga kaubanan sa mga napatay nga gituohang miyembro sa Abu Sayyaf.
Mahinumduman nga 9 ang patay sa nahisgutang engkwentro diin 5 ang patay sa gituohang miyembro sa Abu Sayyaf ug 4 sa mga otoridad nga naglangkob sa 3 ka mga sundalo ug usa ka pulis.
Gipahugtan na usab ang gipatuman nga seguridad sa point of entry and exit sa probinsya sa Bohol lakip na sa probinsya ng Cebu.
