CEBU CITY-100% na ang deployment sa Task Force Bohol nga maoy gitahasan nga magsecure sa mga delegado sa ASEAN Meeting sa nahisgutang probinsya nga pagasugdan na ugmang adlawa hangtud sa ika-22 sa Abril.
Matud ni P/C Supt. Noli Taliño nga luwas nga naka-abot sa Bohol ang pipila ka mga delegado sa ASEAN karong adlawa. Subli usab nga gihimug-atan ni Taliño nga walaya angay nga kahadlukan ang mga delegado tungod kay kontrolado nila ang kinatibuk-ang lugar.
Samtang nakadeploy na usab ang ang mga personnel sa Department of Health o DOH Region 7 ngadto sa Probinsya sa Bohol. Matud ni Dr. Shelbay Blanco ang Operation Section Chief sa ASEAN ug head sa Health Emergency Management Staff (HEMS) sa DOH-7 nga niadtong ika-13 pa sa Abril nakadeploy na ang ilang 187 nga mga personnel.
Dugang pa ni Blanco nga adunay 12 ka mga ambulance ang gi-deploy sa Probinsya sa Bohol g adunay usab Air ambulance o Air Taxi nga naka-andam para sa pagsiguro kung ugaling adunay medical emergency sa nahisgutang international meeting. Apan giingon ni Blanco nga usa ka pasyente lang ang pwede nga isakay sa maong Air ambulance.
Nasayran nga ang probinsya sa Bohol adunay usa lang ka level 3 hospital kung diinila nalang gipa-andam ang mga ospital dinhi sa sa dakbayan sa Sugbo.
