Cebu City-Inihap nalang ang mga adlaw sa naa sa pito ka mga Abu Sayaff nga nakaikyas sa engkwentro sa brgy. Napo lungsod sa Inabangga Bohol.
Matud ni Police Director General Ronald Bato dela Rosa nga sa gipagawas nga pamahayag ni Presidente Rodrigo Duterte nga mohatag ug usa ka milyon matag Abu Sayyaf sa si kinsa man nga makahatag ug kasayuran sa ilang gikahimutangan aron sila masikop giingong daghan nangita kanila. Dugang pa ni dela Rosa nga kung wala pa kagawas sa Inabangga mga Abu Sayyaf, maglisod na sila gumikan sa maong reward.
Gisiniguro usab ni dela Rosa nga andam ang kapulisan ug pwersa sa militar nga ipabiling secure ang mga delegado sa ASEAN meetings sa Bohol.
Gihupay suab ni dela Rosa ang kabalaka nga adunay presensya sa Abu Sayyaf sa ubang lugar sa Central Visayas partikular na sa Cebu. Matud pa niini nga gawas sa Bohol nga usa lang ka isolated case ang pagsulod sa Abu Sayyaf wala nay impormasyon nga nakasulod na ang uban sa Cebu.
Samtang, gipasidunggan sa kapulisan ang pulis nga lakip sa nakalas sa engkwentro sa kapulisan ug kasundaluhan sa mga sakop sa Abu Sayyaf sa brgy. Napu Inabangga Bohol. Matud ni Police Direcitor General Ronald Bato dela Rosa nga tukma lamang nga hatagan ug posthumous award kon Medalya ng kadakilaan si PO2 Rey Anthony Nazareno ang pulis nga miyembro sa Special Weapons and Tactics tungod sa iyang gihimo nga pakigbatok sa mga Abu Sayyuaf bisan pa man bugti niini ang iyang kinabuhi.//Gihulagway ni dela Rosa atol sa iyang pagbisita ang kasubo nga gibati sa pamilya apan mapasigarbuhon kini sa gihimo sa ilang anak.
Atol sa pagbisita niini sa haya sa pulis mitunol usab si dela Rosa og pinansyal nga tabang sa pamilya nga gikan sa iyang personal nga bulsa. Subay niini mensahe niya sa mga pulis nga sa ilang trabaho nga bisan pa man mamahimo bugti ang ilang kinabuhi kanunayon nga mag- amping.
