Cebu City- Migawas sa imbestigasyon sa Cyber crime Group ug Criminal investigation and detection group 7 nga kidnapping maoy tuyo sa Abu Sayyaf Group sa ilang pag anhi sa probinsya sa Bohol. Kini maoy gibutyag ni CIDG7 Head Supt. Royina Marzan Garma human ilang gipa- interpret ang mga mensahe nga nakuha sa cellphone nga gilabay ni Supt Maria Christina Nobleza.
Matud ni Garma nga nasaag matud pa ang mga bandidong grupo human nga wala sila nagkasinabot sa lugar nga ilang agi-an padung sa lugar kung asa nila ipahigayon ang ilang plano. Nasuta usab sa mga mensahe nga nanghid pa ang mga Abu Sayyaf ngadto sa naggunit sa cellphone ni Nobleza kung mahimo ba silang makapangutana sa mga lumulupyo didto sa Bohol.
Matud pa nga gidid-an ni Nobleza ang mga Abu Syyaf nga makig estorya sa mga tawo didto maong wala sila makahigayon sa pagbuhat sa ilang plano. Gihimug-atan ni Garma nga kung nahitabo palang ang ilang operasyon sa Bohol, makamugna gyud kini ug negatibo ng impact sanglit nianang higayuna nagsinangabot na ang pag host sa Bohol sa ASEAN meetings.
Nasayran nga ang Muslim affairs dinhi sa Sugbo maoy nihubad sa mga mensahe nga nakuha sa cellphone ni Nobleza sanglit Tausug ang linggwahe nga gigamit sa maong mensahe.
