CEBU CITY-Gidepensa-an sa Police Regional Director-7 nga si P/C Supt. Noli Talinio ang walay kahumanang pagbatikos ng publiko sa kahuyang sa intelligence sa nasud mao nga nakasulod ang mga Abu Sayyaf Group o ASG sa Bohol. Kini bisan paman napatay na ang ang 2 pa ka mga nahabilin nga Abu Sayyaf sa Bohol kagahapon.
Matud ni Taliño nga bisan ug dili hightech ang Pilipinas padayon ang ilang validation sa mga imporamsyon nga ilang nadawat. Gihimug-atan sa director nga bisan paman gali nga hightech ang gamit sa laing nasud nalutsan pa gihapon kini sa mga rebeldeng grupo.
Matud ni Taliño nga bisab usab og nakasulod ang mga ASG sa Bohol sila man usab ang giingong una nga naka-encounter ug naka-neutralize niini.
Gipasigarbo usab ni naman ni Taliño ang kooperasyon sa mga laing-laing stake holders, community, LGU, PNP ug AFP tungod kay matud niya very timely ang mga aksyon niini mao nga napatay ang mga miyembro sa Abu Sayyaf sa Bohol.
Hinoon gi-angkon ni Taliño nga sa lapad sa kadagatan sa nasud lisod nga bantayan ang mga coastal area apan giklaro sa director nga patuloy pa gihapon ang ilang pagmonitor
Sa karon bisan paman og wala nay ASG sa Bohol, gi-awhag gihapon ni Taliño ang publiko hasta na ang mga kapulisan nga dili muhunong sa pagmonitor dili lang sa Bohol sa Central Visayas apan hasta na usab nagkalain-lain pang parte sa nasud.
