Gitoohang striker sa PDEA-7 mipusil sa usa ka estambay sa Cebu, padayon pa nga gipangita

CEBU CITY-Padayon karon nga gipangita sa kapulisan ang gitoohang striker sa PDEA7 nga mipusil patay sa usa ka estambay nga nag-inom sa Sudlon, Brgy Lahug.

Ang biktima giila nga si Florencio Lopez, 29 anyos ug taga Sitio NGA, Lahug.

Basi sa imbestigasyon ni SPO2 Wetzil Berry sa Homicide nga nag-inom ang biktima kauban ang iyang kainom nga ginganlan og Amay Duran hangtud nga misangpot sa panaglalis ang duha.

Giingong nga ang suspek nga si Lope Donaire kinsang nagpaila nga striker sa PDEA ug kalit nga mibutho sa nahimutangan sa biktima dayon pusil sa ulo niini.

Gisuwayan pa pagdala ang biktima sa tambalanan apan gideklarar na nga DOA kalit ra usab nga mipalayo ang suspek ug padayon na usab nga gisuta ang tinood nga motibo sa maong krimen