CEBU CITY-Moabot sa dul-an usa ka milyon ka pesos ang nasakmit nga kantidad sa iligal nga drogas sa gipahigayon nga One Time Big Time sa Cebu City Police Office.
Kini subay na sa hiniusang pwersa sa 11 ka police stations sa dakbayan sa Sugbo.Sa maong operasyon nasikop ang 77 ka mga indibidwal,diin 60 niini ang nalambigit sa paghupot ug pagpamaligya ug iligal nga drogas.
Samtang ang uban kay nalambigit sa iligal nga sugal ug iligal nga paghupot ug armas.Sa kinatibuk-an moabot sa 276 gramos sa gituohang shabu nga adunay Dangerous Drugs Board Value na 976,000.Nakumpiska usab kapin 3 mil ka pesos nga gituohang halin sa pagpamaligya ug iligal nga drogas lakip na ang nagkadaiyang kalibre sa armas.
Sa pagkakaron gitanggong na sa mga police stations kung as nasikop ang mga dinakpan human kini gipresentar sa Cebu City Police Office.Gihikay na usab ang mga kaso nga ipasaka sa mga dinakpan.
