Cebu City-Padayon nga nagpaalim sa tambalan ang usa ka 70 anyos nga masahista human gilugit sa silingan niini ang iyahang mga mata sa Brgy Sawang Callero , dakbayan sa Sugbo.
Ang biktima giila nga si Faustina Villacorta, samtang ang suspek mao ang silingan niini nga si Manuel Dave Sumalpong, 30 anyos.Matud sa mga silingan nga magpahilot unta ang suspek sa biktima tungud kay gikabuhi kinin apan mibalibad ang biktima sanglit aduna usab kini gipamati sa lawas.Matud pa nga nasuko ang suspect sa pagpamalibad sa biktima hinungdan nga gituok niya kini ug gilugit ang duha ka mga mata niini gamit ang iyahang tudlo.
Nakasyagit pa ang biktima hinungdan nga mirespondi ang mga silingan apan tungud sa kakusgan sa sa suspek naglisud sila sa pagsikop niini. Nagginukdanay pa ang mga silingan ug ang suspek nga si Sumalpong hangtud nga nasukmagan kini sa mga tambay hinungdan nga nadala gayud kini sa estasyon sa kapulisan. Gibutyag naman sa mga barkada sa suspek nga nakugang gayud sila sa gibuhat niini .
Matud ni Dennis Klama nga buotan man ang iyahang amigo apan niining mga nakalabayng aldaw sige ra kini og bhuna huna sa iyang anak og pila ka adlaw na kining walay tulog. Daku ang pagtuo nila nga ang problema ni Sumalpong sa iyahang pamilya maoy hinungdan nga nabuhat niini ang krimen. Natanggong karon sa lock up cell sa Police Station 6 si Villacorta.
