CEBU CITY-Nakatakda nga mu-file og motion for reconsideration ang kampo sa napatay nga mayor sa Alabuera Leyte nga si Mayor Rolando Espinosa.
Kini human sa pag downgrade sa Department of Justice sa kasong murder ngadto na sa homecide batok nilang Superintendent Marvin Marcos ug sa 10 pa ka mga kaubanan niini nga maoy gitudlo nga mipatay sa mayor ug sa usa pa ka piniriso sa Baybay Sub-Provincial Jail sa Leyte.
Matud sa abogado sa pamilyang Espinosa nga si Atty Lailani Villarmino nga gi andam na niini ang e file nga motion for reconsideration sa DOJ sa di pa mahuman ang 10 ka adlaw human nga nadawat niini ang resolusyon niadtong Hunyo 13. Matud pa ni Villarmino nga daghan ang dili makatuo nga mapaubasan pa ang kaso nga giatubang nilang Marcos sanglit klaro man kaayo sa senate inquiry ug imbestigasyon sa NBI nga gituyo gayud sa pagpatay ang iyang kliyente.
Andam usab ang abogado sa sunud niini nga lakang pananglitan nga ibasura sa DOJ ang ilang MR ug matud pa nga buhaton nila ang tanang legal remedies aron mabalik sa murder ang kaso batok nilang Marcos.
Nasayran nga napatay si Albuera Leyte Mayor Rolando Espinosa sa dihang niadtong Nobyembre 5 sa miaging tuig sa dihang gi serve sa CIDG-8 nga gipanguluyhan ni Supt, Marcos ang search warrant batok ni Espinosa sulod mismo sa Baybay Sub-Provincial Jail sa Leyte
