CEBU CITY– Patay na sa dihang maabtan sa iyang inahan ang 21 anyos nga lalaki, kini human magpakamatay sa Brgy. Atabay, lungsod sa Alcoy, Probinsiya sa Cebu.
Matud ni SPO2 Peter Isidro sa Alcoy PNP, nga usa mahitabo ang insidente, nakahisgot pa ang biktima nga si Arnel Verola sa inahan niini nga si Adelaida Cejas nga gusto na niini magpakamatay, tungod aduna silay problema sa iyang hinugugma. Didto na nahibaw-an sa inahan sa biktima human mabasahan ang Facebook post sa iyang anak nga nangayo ug pasaylo sa iyang pamilya, uyab ug sa mga higala niini
Dali nga gipangita sa inahan ang iyang anak apan nakaplagan na lamang kini nga nagbitay sulod sa usa ka abandonadong balay , dili kaayo layo sa ilang gipuy-an. Dugang ni SPO2 Isidro nga electrical wire ang gigamit sa biktima sa iyang paghikog. Gisuwayan pa ug dala sa pianakaduol nga ospital ang biktima, apan gideklara kini nga dead on arrival.
Samtang ang uyab sa maong biktima diin sa panahon sa panghitabo anaa sa ilang unibersidad, na- alarma human nabasahan ang gi post ni Arnel ug dali-dali kini nga mi-uli, apan patay na ang iyang hinigugma sa dihang iyang maabtan. Sa imbistigasyon sa kapulisan, nigawas nga ikapila na nagplanong magpakamatay ang biktima apan sagad mapugngan kini sa iyang mga kadugo.
Nasayran nga sa niaging semana , usa ka 21 anyos ngs estudyante ang nagpakamatay sa dakbayan sa Cebu pina-agi sa pagbitay sa iyahang kaugalingon diin naka-live pa kini sa iyang social media account.
