CEBU CITY-Temporaryong gawasnon karon ang singer nga si Noven Belleza human mipyansa sa kantidad nga 120,000 pesos. Kini human nga na downgrade sa kaso nga sexual assault ang kaso nga rape nga gipasaka sa 19 anyos nga biktima nga usa usab ka local performer.
Matud sa abogado ni Belleza nga si Atty. Lanie Villarino na nakaginhawa na sila karon kay na downgrade ang kaso ug bailable kini.Matud niya nga e-reserve nila sa korte ang ilang statement kalabot sa kaso sanglit mi-abot naman naman kini sa korte. Giingong mu-file na usab nila og counter affidavit.
Gitataw usab ni Villarinio nga aduna na silay schedule para sa arraignment apan paaboton na lang nila ang notice sa Korte.
Subay niini nakagawas na sa hospital si Belleza mao nga nakapiyansa kini. Apan gitino ni Villarino nga padayon kini nga ipaubosa sa medikasyon tungod sa gipamati niini sa lawas.
Human mipyansa si Belleza nahatagan kini og release order ug giingong mubalik na kini sa Manila kauban ang iyang road manager.
