Cebu City-Anaa sa full alert status ang kapulisan sa lungsod sa Dumanjud human ang nahitabong pag atake sa gituohang miembro sa New Peoples Army kon NPA nga gikamatay sa 7 ka tawo lakip na ang unom ka mga sakop sa ,kapulisan sa syudad sa Guihulngan.
Matud ni Police Senior Inspector Wilfred Baroman , ang hepe sa Dumanjug PNP nga human sa panghitabo sa Guihulngan dali nga nagpatawag ug emergency meeting ang peace and order council sa lungsod sa Dumanjug pangandaman ang posibilidad nga pagtakboy sa mga rebeldeng grupo sa ilang lungsod. Dugang pa niini nga ilang gipahugtan ang seguridad nga ilang gipatuman sanglit ang ilang lungsod atbang lamang sa Guihulngan.
Matud pa nga dako ang posibilidad nga muabot sa ilang lugar ang mga rebeldeng grupo kung maipit na gayud sila didto sa Guihulngan diin nagpadayon ang hot pur suit operation batok kanila. Gibutyag ni Baroman nga mulanat lamang ug 1 ka oras ug tunga ang byahe sakay sa roro ug 45 minutos usab kung sa fast craft gikan sa Guihulngan paingon sa Dumanjug.
Pito ka mga coastal areas sa lungsod sa Dumanjug ang hugot nga gibantayan karon sa kapulisan lakip na ang tangil port nga maoy dungguanan sa mga barko nga gikan sa negros Oriental. Nag pahigayon ug frisking ug inspeksyon ang mga kapulisan sa port aron masiguru nga walay makasulod nga rebeldeng grupo dinhi sa Sugbo.
Nanghatag na usab ug mga flyers diin dali nga makatawag ang mga tawo kung adunay mamatikdan nga mga kadudahang tawo nga muabot sa ilang lugar.
