CEBU CITY-Gibana-bana nga muabot sa 10 milyones ka pesos ang danyos nga nakuha human masunog ang usa ka junkshop sa may Sitio Tingkahon Brgy. Bangkal Lapu Lapu City Cebu pasado una una kaganihang hapon.
Matud ni SFO1 Climaco Salisid ang fire investigator nga nagsugod ang sunog sa likod nga parte na maong junkshop nga gipnag-iya sa Brgy. Captain sa Marigondon Lapu-lapu City nga si Kapitan Lucricia Amore.
Matud pa sa kapitan nga dugay na nilang problema ang kanunay nga pagdaob sa ilang silingan sa likod sa junkshop og mga basura. Tood man kaganina nagdaob na usab kini ug midako na ang kayo. Giingong dali nga mikatap ang kayo tungod kay sagad nga naa sa junkshop mga plastic.
Dugang pa sa kapitan nga dili muminos sa 10 milyon pesos ang damage sa maong sunog sanglit giingong nasunog ang ilang mga machine nga maoy gamit nila para sa pagaling og mga plastic.
Nakontrolar ang kayo pasadp alas 4 na sa hapon. Wala hinoon nga kasikbit nga establisemento o mga balay nga gilamon sa kayo ug wala usab nataho nga naangol o namatay sa maong sunog.
