CEBU CITY – Nagpakita na sa publiko ang businessman nga si Peter Go Lim kauban ang abogado para klaruhun ang matud pa pagkalambigit sa transaksyon sa ilegal nga drogas sa nasud.
Kung diin gihimakak ni Lim ang mga alegasyon sa mga tawo ni Kerwin Espinosa batok sa pasangil niini nga supplier siya sa illegal drugs.
Matud ni Lim nga bisag kanus-a wala siya nalambigit ug dili kini mahitabo nga malambigit sa transaksyon sa iligal nga drogas.
Dugang ni Lim nga nahadlok siya karon sa seguridad sa iyang kinabuhi mahitungod sa mga dili mao nga pasangil batok kaniya.
Hinuon, gisiguro ni Lim ug sa iyang pamilya nga atubangun ang kaso ug dili kini mugawas sa nasud.
Gibutyag ni Lim nga isip pagpamatuod gitugutan niya nga makasulod sa opisina ang mga media para makita nga wala siyay gitago.
Gituohan nga ang maong imbestigasyon usa ka tsansa ni Lim para malimpyo niini ang iyang pangalan.
Dugang pa ni Lim nga dili siya magpa-escort sa mga pulis sanglit wala siyay kwarta para niini.
Gihimug-atan ni Lim nga magpabilin ang pasalig niya ngadto ni Presidenti Rodrigo Duterte kabahin sa pagtabang niya sa bisan unsang himuong imbestigasyon batok kaniya.
Gipanawagan na lang ni Lim sa publiko nga ireserba ang paghusga batok kaniya mahitungod nga dili dali ang mapasanginlan sa wala man niya gibuhat.
Mahinumduman nga usa si Peter Go Lim alyas Jaguar sa mga gipanganlan ni Presidenti Duterte nga usa sa mga dagkong drug lord sa nasud.
