Cebu City – Naligo na sa iyahang kaugalingong dugo ang kanhi Mis KBP -Cebu sa dihang napalgan sa iyahang mga silingan ug mga brgy Tanod sulod sa iyahang apartment sa Brgy Busay dakbayan sa Sugbo.
Ang biktima ang giila nga si Marie Alexie Bolongaita, 29 anyos, usa ka disc jockey ug anak sa usa ka beterano nga brodkaster nga si Alex Bolonggaita.
Matud ni SPO1 Rommel Bancog, nakaangkon ug samad pinusilan ug mga bun-og sa kalawasan ang biktima sinyales nga misukol pa kini sa suspetsado. Nagkatag na usab ang mga gamit niini sulod sa iyahang lawak.
Nasuta usab sa kapulisan nga ganihang alas tres sa kaadlawon, dunay usa ka lalaki ang nakit-an nga mikatkat sa apatment sa biktima diin didto kini miagi sa water tank sa maong apartment. Dali kini ng gisita sa mga silingan sa pagtuo nga usa kini ka kawatan.
Nahibulong na lamang ang mga silingan sa dihang mihayag na nga dunay lama sa dugo ang gawas sa apartment paingon sa karsada, Dali nga nanawag ug tanod ang mga silingan.
Narecober sa crime scene ang usa ka 22 caliber revolver, usa ka sundang.
Wala pa matino sa kapulisan ang motibo sa krimen.
