Cebu City-Garbo alang sa mga Oponganon ug sa mga Sugbuanon ang pagkalakip ni Lalpulapu sa 13 ka mga bayani nga gipang mentionar ni Presidente Rodrigo Duterte nga mao ang e display sa mga government offices puli sa nawong sa mga pulitiko.
Matud ni Lapulapu City tourism Officer , Hembler Mendoza nga dili na lamang dinhi sa Cebu ug sa Lapulapu maila si Lapulapu kundi lakip na sa tibuok nasud. Pinaagi niini matud ni Mendoza nga mas mapailaila pa ngadto sa mga Pilipino nga si Lapulapu dili lamang bayani sa Cebu kundili sa tanang Pilipino sa tibuok nasud.
Gihangop usab sa mga Sugbuanon ang memorandum Circular 25 nga gipagawas ni Presidente Duterte sanglit usa kini ka pamaagi aron mapahinumdum sa mga kabatan-unan ang mga gipangbuhat sa mga bayani kaniadto alang sa atong nasud.
Matud pa sa tourism officer nga daghang mga kabataan karon ang wa kaila sa mga bayani ug sa ilang mga gipangbuhat kaniadto ug nganong nahimo silang bayani karon.
