CEBU CITY – (Update) Problema sa pamilya ang motibo sa paglayat sa 17 anyos nga Grade 12 nga si Jonah Mae Villarin sa tunghaan niini sa Dakbayan sa Sugbo.
Matud ni P03 Winston Ibanez, ang imbestigador sa Homicide, nga dead on arrival si Villarin sa dihang gidala kini sa tambalan.
Dugang pa ni Ibanez nga hysterical ang nahisgutang estudyante sa mga nilabay nga adlaw kung diin miresulta sa pagsuway niini ug layat sa 5th floor apan napugngan pa kini sa iyang mga classmate ug magtutudlo.
Hinungdan nga gipatawag kini sa guidance office ug didto na gitawagan ang mga ginikanan niini.
Basi sa nakuha nga impormasyon nga sa dihang nabati ni Villarin nga anaa ang iyang inahan sa opisina, nihangyo kini nga mag-CR hinungdan nga gi-ubanan kini sa guidance councilor.
Apan sa dihang naabot na kini sulod sa CR kalit kining nang-lock ug didto na nisaka sa bintana ug nilayat.
Basi nausab sa pakighinabi sa guidance councilor ni Villarin, nasayran nga physically, verbally ug psychologically abuse ang biktima sa iyahang mga ginikanan kung diin gikonsederar kini nga maoy rason sa pagpakamatay niini.
