Cebu City– Sangko sa langit ang kalipay ni Jayvie Albarando human nga nahimung Top 1 sa Naval Architect and Marine Engineer Board Exam.
Gipadayag ni Albarando ang iyahang kalipay sa dihang nahinabi sa Bombo Radyo Cebu diin giingung wala siya makatingug sa gilayun sa dihang gisultihan siya sa iyahang amahan sa maong maayu nga balita. Matud pa nga inspirasyun usab niya ang iyahang amahan gumikan kay usa usab kini ka Marine Engineer hinungdan nga mao kini ang iyahang gisunud.
Giawhag ni Albarando ang mga gustu nga mukuha ug board exam nga gikinahanglan nga subsub ang pagtu-un apan dili butangan ug pressure ang kaugalingun, balanse sa oras importanti kung diin gikinahanglan nga dili gayud magdaghan ang oras sa lingaw-lingaw ug panahon sa exam gikinahanglan nga relax lang ug dili angayan nga makulba-an ug labaw sa tanan gikinahanglan ang pag-ampo.
Samtang gipadayag usab niini ang iyahang kalipay nga pulus taga-UC ang nahimung topnatcher ug gani giingung iyaha pa kining mga classmate sukad pa sa unang tuig sa kolehiyo.
