CEBU CITY – Plano ni Presidential Spokesperson Harry Roque nga magbutang ug satellite office sa nagkadaiyang probinsiya sa nasud.
Gibutyag ni Roque nga daghan na siya ug nadawat nga reklamu gikan sa mga media nga giingung dili makadawat ug susamang atensyun nga makuha sa mga Malacañang Press.
Giangkon usab niini nga dili tanang media outlets ang adunay connection sa Malacañang Press Corps hinungdan nga nakaabut siya sa maong inisyatiba nga dalhun ang Office of the Spokesperson sa nagkadaiyang probinsiya lukup nasud.
Giklaru usab ni Roque nga ang maong inisyatiba ang adunay pagtugut usab ni Presidente Rodrigo Duterte.
Nangayu usab ug pagsabut ang tigpamaba sa presidente sa mga sakup sa media gumikan kay giingung aduna lang kini usa ka cellphone ug dili ma-atu ang pagtubag sa kadaghang manawag kaniya.
Kini subay na usab sa giingung pagtu-u sa pipila ka mga provincial radio station nga dili siya mu tubag ug tawag.
Apan iyahang gisa-ad nga wala’y diskriminasyun nga mahitabu ma-lokal man o national media.
Samtang gihimug-atan niini nga dili pagpahumut sa Palasyo gumikan sa pag-ubus sa trust rating ni Presidente Duterte inay giingung iyaha kining kaugalingung inisyatiba nga magbutang ug satellite office sa nagkadaiyang probinsiya lukup nasud.
