DFA mipaabot og pahasubo ug pagbangotan sa mass shooting sa Texas

Cebu City- Mipaabot sa iyang pahasubo si Department of Foreign Affairs spokesperson Robespierre Bolivar sa mga pamilya sa mga gipatay sulod sa First Baptist Church sa Sutherland Springs, San Antonio Texas.

Gikompirmar usab ni Bolivar nga walay mga Pilipino nga nalakip sa mga namatay. Subay niini padayon ang ilang pakig-alayon sa Consulate General sa Los Angeles nga maoy incharge usab sa Texas .

Naghatag na usab og pahimangno si Bolivar sa mga Pilipino sa Texas nga mag-amping. Nasayran nga naa sa 140,000 ang mga Pilipino sa Texas.

Nasayran usab nga 27 na ang patay ug 25 ang samdan human ang pagpamusil sa giilang air force veteran ug giingong usa ka bible preacher, 26 anyos nga si Devin Patrick Kelley kinsang napatay ra usab sa otoridad.