Cebu City-Gimonitor gihapon sa Department of Foreign Affairs (DFA)ang kahimtang sa mga Overseas Filipino Workers (OFW) sa Saudi Arabia.
Kini ang pamahayag ni Robespierre Bolivar ang spokersperson sa DFA diin matud niya nga bisan paman nabalik na sa normal ang sitwasyon sa Riyadh human ma-intercept ang ballistic missile duol sa King Khalid Internation Airport nga gilusad sa Houthi Rebels, padayon gihapon sila nga nagmomonitor kanila.
Gi-awhag ni Bolivar ang mga OFW ug mga pamilya niini nga bisan paman walay naangol ug namatay sa pagpabuto sa maong airport,mamahimong mudool gihapon sa ilang buhatan para magpa-abot sa ilang mga yango-ngo kalabot sa panghitabo.
Gitataw usab ni Bolivar nga wala silay gipagawas nga official advisory para sa mga OFW human ma-intercept ang nahisgutang missile.
Nasayran nga sa mga Pilpinong nagtrabaho sa Middle East, mas daghan niini ang naa sa Saudi Arabia.
