CEBU CITY – Gitahasan ang Coalition for Better Education (CBE) sa pagmugna ug usa ka programa alang sa mga tinun-an nga na enroll sa senior high school.
Gibutyag ni Lutchie Flores, ang executive director sa CBE, nga nagpatuman sila ug proyekto nga gitawag nila ug ‘Turo Turismo’ kauban ang Asia Foundation ug ang Australian Embassy kinsang magtudlu sa mga tinun-an sa pagpalambu sa turismo sa rehiyon.
Apan giklaru ni Flores nga sa dili pa sila mutudlu sa mga tinun-an giingung tudlu-an una nila ang mga magtutudlu.
Matud pa nga tumung ug tuyu niini nga mahisubay lang sa insaktu nga proseso arun nga adunay makat-unan ang mga tinun-an gikan sa ilahang mga magtutudlu.
Gipahibalu usab niini nga ubay-ubay na sa mga publiku nga tunghaan ang mipatuman sa maong programa.
Samtang gipadayag usab sa usa ka magtutudlu sa senior high school ang iyahang kasinati-an sa maong programa kung diin matud pa nga aduna siya’y daghang nakat-unan nga iyaha usab nga ikapa-ambit sa iyahang mga tinun-an.
Nagkanayun si Joyce Luares nga nindut ang maong programa gumikan kay gitudlu-an sila sa aktwal ug dili lang pulus libro ang gamitun.
