Cebu City-Managsagol nga kulba ug excitement ang gibati karon ni Jerika Salve Teodorico,usa sa mga finalist sa Bombo Music Festival alang sa Grand Finals Night ugmang adlawa.
Matud pa ni Teoderico nga excited siya nga makita ang usa sa mga judges nga si Aiza Seguerra kinsa gihulagway niini nga iyang idol ug giingong magpaselfie gyud siya niini.Gidugang pa niini nga daw sa nalimot siya nga contest diay ang iyang apilan gumikan sa ka excite nga makita ang iyang idol.
Samtang gipa-ambit ni Teodorico nga naglikay siya pag-inom ug bugnaw nga tubig ug softdrinks aron nga dili maapektuhan ang iyang tingog ug nag inom usab siya ug tambal sanglit gisip-on kini.
Gipa-ambit usab ni Teodorico nga kini ang unang english song nga iyang gisalmot ug kompetisyon sa mga naapilan niya nga contest sa Sugbo.Gihulagway niya nga usa na ka dungog nga maapil ang iyang composition sa 12 finalists gikan sa liboan ka mga entries sa tibuok Pilipinas.
Si Teodorico ang nahimong nang kampeyon sa usa ka singing competition sa sugbo sa iyang kanta nga “I Lab you Langga”.Kantahon ni Teodorico sa Grand Finals Night sa Bombo Music Festival ugmang adlawa ang composition niini nga kanta nga nag uluhan nga “This Morning”.
