Cebu City- Sobra 9 na ka oras nga nakigkumbati ang mga bombero sa sunog sulod sa Metro department store sa Ayala Center Cebu City.
Matud sa ground commander sa Bureau of Fire Protection 7 , Fire Supt Ronaldo Orbita nga naglisod na sila pagsulod sa department store tungod kay zero visibility na kini tungod sa kabaga sa aso.
Tungod niini,gibuslutan nalang sa mga bombero ang bongbong sa ikatulo nga andana sa department store para aduay ma-agian nga hoose sa mga bombero.
Nasayran nga nagsugod ang sunug sa ikatulo nga andana, sa giingong bodega sa mga duwaan .
Matud sa City Disaster Officer sa Cebu City nga si Nigel Banacia, nga nag collapse na ang 4th floor sa nahisgutang building tungod sa sobrang init sulod sa mall . Gipaningkamotan karon sa mga bombero nga makontrolar ang sunog ug ma-contain lang sa building sa department store ug dili na mukatap pa sa lang sa laing pang parte sa Ayala Mall.
Doble amping usab ang mga meresponde ng bombero tungod sa posibilidad nga pagkahugno sa pipila ka parte sa mall tungod sa sobra nga init nga nakamugna og mga cracks sa naasoy nga mall.
Sa karon wala pay nataho nga naangol o namatay sa maong insidente .Natunong ra usab nga nanra na ang mall sa dihang nahitabo ang sunog ug gisiguro sa kadagkuan sa department store nga nakagaaw ang tanan nila ang empleyado.
