Cebu City-Nahingangha si Jose LG Fuentes kinsang usa sa mga Bombo Music Festival Finalist nga taga Concolacion Cebu sa iyang kasinatian sa Iloilo City ilabina kay karong gabii na ipahigayon ang finals night.
Kini human nga naabot siya sa maong dapit sa unang higayon gumikan sa iyang pagsalmot sa singing competition sa Bombo Radyo.
Matud ni Fuentes nga nahingangha siya sa set up sa stage diin aduna gyud orchestra nga muduyog kanila.Sigon niini nga pang world wide gyud kini.
Nalipay usab siya kay sa iyang pagtungtong sa Iloilo gi-atiman sila pagmaayo kung diin ang mga tao matud pa kusog makighalubilo kun “friendly” usab kaayo.
Nalami-an usab siya sa mga pagkaon ug mapasalamaton siya sa talagsaon nga opurtunidad nga gihatag kaniya.
Si Fuentes ang Bombo Music Festival Finalist number 11 kung diin ang iyang awit gi-uluhan og “Panumpa”.
