Cebu City- Magpaabot ang kadagkuan sa Metro Retails Group sa resulta sa gipahigayon nga imbestigasyon sa Bureau of Fire Protection. Matud ni Atty. Vince Tomaning ang legal counsel sa Metro nga dili una sila mopagawas ug mga pamahayag maylabot sa posible nga hinungdan sa sunog.
Gihimug-atan ni Tomaning nga compliant ang Dept Store sa rekisitos sa fire safety ug aduna silay balido nga inspection certificate.Gidugang ni Tomaning nga aduna na silay komunikasyon sa ilang mga suppliers ug merchandisers sa angayan nilang buhaton.Gipaniguro niini nga ilang tumanon ang ilang kontrata tali kanila.
Samtang aduna nay gitahasan nga composite team ang Bureau of Fire Protection 7 sa pag imbestiga sa hinungdan sa sunog sa Metro Ayala Department Store.
Matud ni Fire Senior Superitendent Samuel Tadeo ang Regional Director ng BFP 7 nga gilangkuban ang composite team sa mga fire investigators nga maggikan sa Cebu City, Cebu Province ug sa ilang Regional Office. Kini alang sa halapad nga imbestigasyon sa pagsuta sa hinungdan sa sunog.
Nagmaampingon sa gihapon ang mga kabomberohan sa pagsulod sa building gumikan sa delikado nga mahugno kini.
