Cebu City- Sugdan karong adlawa ang labing una nga plenary Assembly sa Catholic Bishops Conference of the Philippines sa tuig 2018 dinhi sa dakbyan sa Sugbo.
Ang plenary assembly ang panguluhan mismo ni CBCP President si Davao Archbishop Romulo Valles. Mutambong usab sa maong panagtigum si Apostolic Nuncio to the Philippines Archbishop Gabriele Giordano Caccia.
Ang unang bahin sa assembly ipahigayon ang panagtapok sa mga Layko o mga lay ministers ug mga seminary formators nga pagasugdan karong adlawa hangtud sa Enero 27 samtang ang pormal nga CBCP assembly ang ipahigayon sa umaabot nga Enero 27 hangtud sa Enero 29.
Sa iyahang homily kagabiie, giawhag ni Archbishop Caccia ang mga Cebuano nga i-ampo ang mga lider sa simbahan ug ang mga tawo nga balaan.
Una na usab nga gibutyag ni Archbishop Valles nga usa sa ilang pagatukion ug hisgutan sa assembly mao ang bag-ong guidelines nga gipagawas sa Rome alang sa priestly formation.
