Cebu City- Nakadawat og bag-o nga mga patrol cars ang mga kapulisan sa dakbayan sa Sugbo, Mandaue ug Lapulapu City Police Office. Kini human nga naabot na diri sa PRO7 ang 20 ka mga police patrol cars.
Matud ni Police Supt Reyman Tolentin nga ang maong mga sakyanan ang gi donate sa gobyerno sa Japan sa PNP ug ang crame na mismo ang nagbahin bahin sa mga sakyanan kung kinsa nga mga police station ang makadawat niini.
Gibutyag pa ni Tolentin nga usa kini ka dakong tabang sa mga kapulisan sa Sugbo ug maka pa boost usab sa ilang morale ang mga kahimanan nga ilang nadawat.
Gipahinumduman usab niini ang mga makadawat nga mga police stations nga ampingan ug gamiton sa insakto ang mga sakyanan sanglit mag atubang ug kasong administratiba ang masakpan nga nagpabaya ug nagpatuyang sa paggamit niini.
