Cebu City- Gipasiguro ni Police Chief Supt Noli Taliño nga dili na mausab ang nahitabo sa una diin namatay ang 44 ka mga SAF troopers sulod lamang sa pipila ka oras human sa nahitabong engkwentro sa Mamasapano Maguindanao , tulo ka tuig na ang milabay.
Subay sa paghandum karong adlawa sa 44 ka mga SAF Troopers isip National Day of Commemortaion, usa ka solemni nga seremonyas ang gipahigayon sa kampo crame diin si Talino isip bag-ong head sa SAF ang magpahigayon ug dialogue sa 23 ka mga pamilya sa 44 ka mga SAF troopers nga nakalas.
Matud pa nga hustisya sa gihapon ang gipangayo nila apan matud pa nga anaa naman ang kaso sa korte gane ang ilang mabuhat karon mao ang paghuwat na lamang sa mamahimong desisyon sa maong mga kaso. Matud pa ni Talino nga ubos sa iyahang liderato sa SAF , mas gihugtan pa nila ang ilang coordination sa ilang counterpart nga mao ang AFP ug uban pang police units. Dako usab ang iyahang pasalamat ngadto na sa administrasyon ni Presidente Rodrigo Duterte diin misaad pa kini nga paduganganug 5 ka batallion ang elite forces.
Nakasentro matud pa ang SAF karon sa ilang mga trainings aron ma enhance pa ang ilang capabilidad sa pagpakigbatok sa mga hulga sa seguridad sa nasud.
Gibutyag pa ni Talino nga dakong tabang usab kanila ang mga upgrade nga gibuhat sa gobyerno sa ilang mga kahimanan diin nakatabang usab ug dako sa kapasidad sa mga troopers sa ilang trabaho.
