Cebu City- Bisan ug nag-atras ang usa sa mga testigo batyok ni Kerwin Espinosa, gipangandaman gihapon sa kampo niini ang lain pang nahabiling testigo nga gikan sa kapulisan.
Kini maoy gibutyag ni Vice Mayor Jonnah John Ungab , abogado ni Kerwin Espinosa. Matud niini nga sa gipahigayong hearing sa Manila RTC, mibakwi sa iyahang testimoniya ang usa sa mga witness nga kaniadto welder sa pamiLya Espinosa nga si Jose Antipuesto diin atol sa konperensya sa judge nga naghandle sa kaso gibutyag niini nga napugos lamang kini sa pag testigo batok ni Kerwin.
Usa usab sa rason nganong mibakwi kini sa iyahang testimoniya gumikan kay matud pa wala kini igong ihibalo sa kasong giatubang sa iyahang kanhi amo sanglit dili man sila kanunay nga magkuyug.
Gibutyag usab ni Ungab nga taas taas pa gyud nga panahon ang makaon sa maong kaso ug ila na lamang karon nga giandam ang ilahang mga ebedensya diin matud pa nga mas daghan silang documentary evidence nga e-presentar sa korte nga magpamatuod nga dugay ng mibiya sa pagpamaligya ug drogas.
