Cebu City- Kapin tunga sa milyon nga kantidad sa gituohang shabu ang nasakmit sa kapulisan sa gipahigayong buybust operation sa Drug Enforcement Unit sa Mabolo Police Station sa Brgy Sitio Ponce 1, Brgy Carreta dakbayan sa Sugbo.
Ang subject sa operasyon mao si Ronny Rosos, 26 anyos diin nakuha kaniya ang 1 ka gamay nga pakete sa gituohang shabu, 1 ka large pack ug 2 ka medium pack sa gituohang shabu. Atol sa operasyon nasikop usab sila sila Kerwin Delorita, 52 anyos, Danilo Rosos ug Macbeth Rosos 32 anyos.
Mukabat tanan sa 796,000 pesos ang Dangerous Drugs Board Value sa mga nasakmit nga iligal nga drogas. Matud ni SPO3 Roland Camillo, sa Mabolo Police Station nga dugay na nilang gipanid-an ang subject human nakadawat sila ug taho nga nalambigit kini sa iligal nga binuhatan.
Naa na karon nagtingkagol sa Mabolo Police Station lock-up cell ang mga dinakpan.
