Cebu City- Nakatakda nga pasakaan ug kasong murder ang usa ka pulis human niini mapusilan patay ang trisikiad driver nga matud pa naguyab sa iyahang 83 anyos nga inahan sa lungsod sa Dumanjug sa Probinsya sa Sugbo.
Nagtingkagol karon sa Dumanjud detention cell si PO3 Roelito Tano human napatay niini ang trsikad driver nga si Fabian Libaton kagabie sa Brgy Looc sa nahisgutang lungsod. Sa pakighinabi sa Bombo Radyo ngadto na ni Police Sr Inspector Wilfred Baroman, hepe sa Dumanjug PNP nga misakay sa pa sa trisikad sa biktima ang suspect ug nagpahatud sa Brgy Hall aron nga mag settle sila gumikan kay mireklamo ang 83 anyos nga inahan sa suspect nga samukan siya sa biktima kay sige ug anha sa ilahang balay bisan ug gabie na.
Suma pa niini nga nanguyab matud pa ang biktima sa 83 anyos nga inahan sa suspect apan hangtud karon wala kini sugta hangtud nga nasamukan kini ug misumbong sa iyahang anak nga pulis. Apan matud pa nga sa wala pa sila naabot sa Brgy Hall gi-kompronta sa suspect ang biktima ug nagkalalis sila hangtud nga ninaug na gyud sa triskad ang suspect apan matud pa nga paglinge niini nakita na lamang niya nga mibunot ug armas ang biktima hinungdan nga iyaha nalang usab kining giunhan ug pusil.
Samad pinusilan sa iyahang liog ug ulo ang naangkon sa biktima nga maoy hinungdan sa iyahang kamatayon.Narecover usab sa crime scene ang armas sa biktima nga usa ka magnum revolver.
Gibutyag usab ni Baroman nga usa ka ex-convict ang biktima gumikan sa kaso niini nga homecide sa dihang napatay niini ang usa ka tulisan nga mitulis kaniya kaniadtong taxi driver pa siya dinhi sa dakbayan sa Sugbo.
Desidido usab ang pamilya nga magpasaka ug kaso.
