CEBU CITY-Mas gipili sa pipila ka mga Overseas Filipino Workers sa Kuwait nga magpabilin ug padayon nga magtrabaho bisan pa man sa deployment ban ug tanyag sa gobyerno nga libreng sakay sa eroplano sa mga OFW pauli sa Pilipinas.
Sa ekslusibon pakighinabi sa Bombo Radyop Cebu kang Bench Carandang usa ka chef nga nagtrabaho sa Abraq Khaitan,Kuwait nga mas pilion niya nga ma extend ang iyang contract kaysa mouli sa Pilipinas ug posibleng dili na makabalik sa trabaho.
Matud pa niini nga unom ka tuig na siya nga nagtrabaho sa nagkalainlaing nasud nahimong mas nindot ang iyang kahimtang sa Kuwait.Dugangan pa sa dako nga sweldo nga nadawat niini
Gikabalak usab nila karon nga posibleng maapektuhan ang ilang trabaho diin kung magbakasyon sila walay mopuli kanila sanglit kasagaran sa mga employer ang mas gusto ang mga pilipino nga trabahante gumikan kay maayo kini nga magtrabaho.
Dugang pa niini nga dili apektado ang mga skilled workers ug kasagaran sa mga biktima sag pang-aabuso ang mga katabang.
Gihimug-atan ni Carandang nga dili tanan sa mga employer mga dautan ug kasagaran sa mga nag-abuso ang mga uneducated nga mga amo. Apan usa usab sa mga giingong hinungdan nga mapasakitan ang mga OFW mao ang wala niini pagsunod sa polisya ug tradisyon sa nahisgutang nasud ug giingong nakigrelasyon sa ilang mga mao.
Bisan pa man niini nagpasalamat gihapon si Carandang sa gipakita nga pagpkbana ni Presidente Rodrigo Duterte sa mga OFW sa Kuwait apan naglaom gihapon kini nga ma lift na ang deployment ban gumikan kay daghan gihapon matud pang mga Pilipino ang hindi makatrabaho ug gusto nga manimbad sa ubang nasud partikular na sa nasud nga Kuwait.
