Cebu City-Kapin 100 million pesos ang gigahin sa Probinsya sa Bohol alang sa pag host niini karong tuiga sa duha ka mga major sporting event.
Matud ni Bohol Governor Edgar Chatto nga ilang gi rehabilitate ang Carlos P. Garcia Sports Complex alang sa ilang paghost sa Central Visayas Regional Athletic Sports Meet ug sa 2018 National Private Schools Athletic Association (PRISAA) meet.
Gibutyag niini nga maong dako ang ilang gasto sanglit mao kini ang labing una nga higayon nga ilang gi rehabilitate ang speorts complex sukad nga kini ang matukod sa panahon ni kanhi Presidente Carlos P. Garcia.
Suma pa nga gawas sa pagpaayo sa sports complex mihatag usab sila ug 13 million pesos alang sa delgation sa probinsya ug sa hosting sa maong events. Hinuon gibutyag ni Chatto nga andam na karon ang Bohol ug ang Tagbilaran City sa maong kalihukan diin magsugud kini karong Pebrero 24.
Andam na usab ang security details diin matud pa nga susama sa gipatuman nga seuguridad sa ASEAN meetings ang seguridad nga ipatuman sa umaabot nga pagpahigayon sa maong speorting events.
