CEBU CITY – Patay ang usa ka high value target human kini misukol sa kapulisan sa gipahigayun nga buybust operation gahapong adlawa sa Sitio Bakay, Barangay Tulay, lungsod sa Minglanilla.
Samtang patay usab ang pulis nga si P02 Evie Espina, usa sa nagpahigayun sa maong operasyon.
Kini subay na sa gipahigayun nga buybust operation sa kapulisan sa Minglanilla Police Station.
Giila ang mga target nga sila si Jovillo Franza ug ang live-in partner nga si Evangeline Briones ingun man ang anak niini, kinsa nanimuyo sa nahisgutang dapit.
Matud ni PO2 Oliver Dakwa, ang desk officer sa Minglanila PS nga misukol sa kapulisan si Franza hinungdan nga gipusil kini ni PO2 Espina apan nibalos usab ang maong subject ug pusil hinungdan nga miresulta sa kamatayun sa duha.
Matud pa niini nga anaa ang presensya sa live in partner ug matud pa anak ni Franza sa dihang nahitabo ang maong operasyon apan dali kini nga miikyas.
Sa pagkakaron, padayun pa nga gipangita sa kapulisan ang duha pa ka target para masikop ug matanggong kini sa prisohan.
