Cebu City-Usa ka lalaki ang nag kupot og hinagiban ug gihostage ang iyang kaugalingon sa may Sitio Lawis, Brgy. Lorega, dakbayan sa Sugbo.
Giila ang maong lalaki nga si Ryan Quinal Martines, 37 anyos ug residente sa nahigutang dapit
Matud sa imbestigasyon ni PO1 Enrique Nanquil, kinsang maoy first respoder gikan sa Parian Police station, nga pipila na ka adlaw nga walay kaon ang biktima ug giingon nga aduna matud pa gikalagutan.
Giingong kalit kini misulod sa usa ka karenderya sa naasoy nga dapit ug nanguha og hinagiban. Sa dihang nanakupot na kini og kutsilyo gidunggab niini ang iyang tiyan. Pagkahuman, mihana na usab kini og luglog sa iyang liog hinungdan nga gitabangan sa silingan og ilog sa kutsilyo ang lalaki.
Dali ra hinoon kini nga rescue ug gidala dayon sa tambalanan.
