Cebu City-Nanguna karon ang division sa probinsya sa Bohol sa medal standing sa ikatulong adlaw sa Central Visayas Regional Athletic Association CVRAA Meet 2018.
Basi sa latest nga medal tally nakakuha na ug 9 ka gold, 9 ka silver ug 11 ka bronze ang Bohol, gisundan sa division of Cebu City nga nakakuha ug 8 ka gold, 10 ka silver ug 8 ka bronze, ikatulo ang Cebu Province nga dunay 7 ka gold, ug 10 silver ug 8 ka bronze. Gisundan sa Lapu-lapu City nga nakakuha og 5 ka gold, 6 ka silver ug 6 ka bronze. Ang Negros Oriental maoy misunod nga nakakuha og 5 ka gold ug 1 ka silver.Ang City Of Naga dunay 3 ka gold samtang ang Danao city Division dunay 2 ka gold, 4 ka silver ug 2 ka bronze.
Samtang ang kakuwang sa tubig maoy nag unang problema karon sa mga billiting areas sa mga delegates.
Matud ni Bohol Governor Edgar Chatto nga ila ng gipangitaan ug solusyon karon ang kakuwang ug tubig sa mga billiting stations sa matag delegado.
Mipahimangno usab si Chatto sa mga tricycle driver nga dili pahimuslan ang kahigayunan aron maka paningilo ug taas nga plete gikan sa ilang pasahero.
Kini human na usab nakadawat ug reklamo ang gobernador kabahin sa ubang drivers sa Tagbilaran nga mipasaka sa ilahang plete gumikan sa maong kalihukan.
