Cebu City-Angayan nga e take-over na sa National Government ang pagdumala sa Boracay ug sa uban pang mga lugar nga sagad adtuon sa mga local ug langyaw nga mga turista. Kini maoy gibutyag ni Senator Antonio Trillanes IV.
Matud ni Trillanes nga duna kini’y gipalabang nga balaudnon nga nagmando sa usa ka tourism authority sa pagdumala sa mga tourism sites ubos sa national government.
Gibutyag niini nga pinaagi sa maong balaudnon, mas mapahugtan ang monitorong ingon man ang pagpatuman sa mga balaud kabahin sa pag proteher sa kalikupan taliwala sa mga gipatumang mga development.
Pinaagi niini matud pa nga dili masayon sayon sa mga negosyante hilabi na ang mga permit nga maareglo lang nila sa mga lokal nga opisyal. Gihimong sumbanan niini mao ang nahitabo sa Camp John Hay ug sa Clark development authority.
Samtang giisip usab ni Senator Cynthia Villar, ang chairman sa senate committee on environment nga mas maayo kung dunay partnership ang national government ug ang local government sa Malay Aklan sa pag dumala sa Boracay. Kini human masayran nga mahimo nga maka issue ug business permit bisan ug walay environmental compliance certificate ang ipatukod nga establishemento .
