Cebu City- Mi-ani ug pagdayeg si Cebu City Mayor Tomas Osmeña human kini misanong sa request sa usa ka netizen nga ablihan ang Cebu City Rizal Public Library 24 oras.
Usa ka certain Mitch Roldan ang nagpost sa Facebook Page ni Mayor Osmeña mihangyo ug miingon nga dili na makatarong ug toon ang estudyante sa mga 24 hours nga coffee shop fast food tungod kay papahawa-on sila ilabina kung lawom na ang kagabhi-on.
Dali nga mitubag ang Mayor ug miingon nga tagaan siya og usa ka semana para aksyonan kini. Apan gikangangha kini sa kadaghanan tungod kay wala pay usa ka semana gi-announce na sa Cebu City Government nga ablihan na ang maong library 24 oras at pagasugdan kini karong Biyernes.
Matud pa ni Osmeña nga gi-upgrade na nila karon ang facilities sa library sama sa air conditioners,CCTV ug WiFi routers. Magdugang usab matud pa og mga staff ug mga security guards.
Ang Sinulog Hall usab nga naa sa ikaduhang andana sa library ang nakatakda nga e-renovate para maka-accomodate og daghan pang estudyante.
Daghan ang nalipay nga mga estudyante niini ilabina ang mga law students sanglit dili na matud pa sila mu-adto og mugasto pa og dako sa mga coffee shop para lang mag-toon.
Samtang nagpasalamat usab si Mayor Osmeña kang Roldan tungod kay kung dili pa tungod sa iyang request,dili niini ma-address ang problema ilabina kay susamang hinay-hinay na nga nakalimtan ang Cebu City Public Library sa dugay na nga panahon.
Nasayran nga mag-usa ka decada (100 years) na ang maong library karong buwan sa Abril ug kini ang pinaka-una nga library nga abli 24 oras sa Pilipinas.
