Cebu City-Gi-awhag ni Cebu Provincial Comelec Supervisor Atty.Marco Leonel Castillano ang mga kababay-an sa probinsiya nga mosalmot sa politika alang sa tinguhang kalambuan sa nasod.
Ang maong pamahayag ni Castillano may kalabutan sa International Womens Day karong adlawa diin gibarugan pa sa nasampit nga opisyal nga bintaha ang usa ka babaying leader kay sama sa usa ka inahan ang pagdumala ug pag amuma niini sa iyang mga konstituente.
Basi sa datus sa comelec mas daghan ang mga botanting babayi sa kinatibuk-ang probinsiya apan pipila lang niini ang magpapili atol sa eleksyon hinungdan nga nanghinaot siya nga sa umaabot inclusive na o patas ang gidaghanon sa mga lalaki ug babayi nga mobotar ug magpapili atol sa eleksyon.
Aron suportahan usab ang maong tinguha sa Cebu Provincial Comelec gipadayon nila ang ilang pagsuroy-suroy sa nagkada iyang bahin sa probinsiya aron tudloan ang mga kababayn-an kung unsay mga requirements ug unsay angay nilang buhaton kung sila magpapili sa usa ka elective position sa gobyerno .
